چین کے شی زانگ میں مٹی کے تودے گرنے کے باعث 21 افراد جاں بحق ،541 افراد تاحال لاپتا

بیجنگ :26 اگست کو تقریباً صبح 10 بج کر 30 منٹ پر نیپال کی جانب شدید مٹی کے تودے گرنے کے باعث چین کے شی زانگ خوداختیار علاقے کے شیگاتسے شہر کی گیرونگ کاؤنٹی میں گیرونگ بندرگاہ پر بڑے پیمانے پر جانی نقصان ہوا اور کئی افراد لاپتا ہو گئے ۔2 ستمبر کو دوپہر 12 بجے تک اس آفت کے نتیجے میں 21 افراد جاں بحق ہو چکے ہیں، جبکہ 541 افراد تاحال لاپتا ہیں اور 847 اشیاء برآمد کی جا چکی ہیں۔متعلقہ ذمہ دار کے مطابق 2 ستمبر کی صبح گیرونگ بندرگاہ تک جانے والی قومی شاہراہ 216 کے زمینی راستے کی بحالی کا کام بنیادی طور پر مکمل کر لیا گیا۔ سڑک بحال ہونے کے بعد 10 سے زائد مشینری اور آلات آفت زدہ مرکزی علاقے میں داخل ہو چکے ہیں اور مسلسل تلاش و ریسکیو کارروائیاں جاری ہیں۔اب تک 12 مواصلاتی بیس اسٹیشنز بحال کیے جا چکے ہیں، جو تلاش اور ریسکیو آپریشن کے لیے مواصلاتی سہولت فراہم کر رہے ہیں۔ آفت آنے کے بعد سے امدادی ٹیموں کی جانب سے تلاش اور ریسکیو کے لیے مجموعی طور پر 15 لاکھ 91 ہزار مربع میٹر رقبے کا جائزہ لیا جا چکا ہے۔