چین میں خدمات کی تجارت کا نیا ڈھانچہ تیزی سے تشکیل پا رہا ہے، رپورٹ

بیجنگ :چائنا انٹرنیشنل فیئر فار ٹریڈ اِن سروسز 2026 ، 9 سے 13 ستمبر تک بیجنگ میں منعقد ہو رہا ہے۔بدھ کے روز چینی صدر شی جن پھنگ نے زور دیا ہے کہ چین کو اعلیٰ معیار کی خدمات کی درآمدات کو بڑھانے میں پہل کرنی چاہیے اور علم پر مبنی خدمات کی برآمدات میں توسیع کی حوصلہ افزائی کرنی چاہیے، تاکہ چین کی بڑی مارکیٹ کے مواقعوں کے ذریعے دنیا کو ترقی کی نئی تحریک فراہم کی جا سکے اور اعلیٰ معیار کی ترقی کے ذریعے عالمی سطح پر زیادہ اور بہتر چینی خدمات پیش کی جا سکیں۔ خدمات کی تجارت میں دنیا کا دوسرا بڑا ملک ہونے کے ناطے، چین کی خدمات کی تجارت میں جدت پر مبنی ترقی مسلسل آگے بڑھ رہی ہے، اور زیادہ کھلے پن، بہتر ساخت اور مضبوط تحریک کا حامل خدمات کی تجارت کا نیا ڈھانچہ تیزی سے تشکیل پا رہا ہے۔2021 سے 2025 تک چین کی خدمات کی درآمدات و برآمدات میں اوسطاً سالانہ 12.1 فیصد کا اضافہ ہوا، جو اسی عرصے کے دوران اشیا کی درآمدات و برآمدات کی اوسط شرحِ نمو سے زیادہ ہے۔مصنوعی ذہانت اور ڈیجیٹل معیشت کے شعبوں میں جدت کے فوائد کو بروئے کار لاتے ہوئے، چین کی خدمات کی تجارت مسلسل عالمی ویلیو چین کے اعلیٰ درجے کی جانب بڑھ رہی ہے۔ رواں سال کے پہلے سات ماہ میں ٹیلی کمیونیکیشن، کمپیوٹر، اطلاعاتی خدمات اور ثقافت سمیت علم پر مبنی خدمات کی برآمدات 9.4828 کھرب یوآن رہیں، جن میں 12.2 فیصد کا اضافہ ہوا، جو خدمات کی کل برآمدات کے نصف سے زیادہ ہے۔خدمات کی برآمدات کی بین الاقوامی مسابقت میں اضافے کے ساتھ ساتھ اعلیٰ معیار کی خدمات کی درآمدات میں بھی مسلسل توسیع ہو رہی ہے۔ چین ایک سپر لارج مارکیٹ کی حیثیت سے دنیا کے ساتھ ترقی کے مواقع بانٹ رہا ہے۔