چین ، پانچویں گلوبل ڈیجیٹل ٹریڈ ایکسپو اختتام پذیر، 50 ہزار سے زائد پیشہ ور خریداروں کی شرکت

بیجنگ :پانچویں گلوبل ڈیجیٹل ٹریڈ ایکسپو چین کے صوبہ زے جیانگ کے شہر ہانگ چو میں اختتام پذیر ہو گئی۔اس مرتبہ ایکسپو میں 50 ہزار سے زائد پیشہ ور خریداروں نے شرکت کی، جو گزشتہ ایکسپو کے مقابلے میں 20 فیصد سے زیادہ اضافہ ہے۔
اعداد و شمار کے مطابق ایکسپو میں شریک خریداروں کی تعداد 51 ہزار رہی، جبکہ تجارت سے متعلق 50 سے زائد خصوصی کاروباری رابطہ سرگرمیوں کا انعقاد کیا گیا۔ چین اور عرب ممالک کے درمیان ڈیجیٹل معیشت سے متعلق تعاون کے لیے طے پانے والے معاہدوں کی مجموعی مالیت 25.5 کروڑ امریکی ڈالر رہی۔
ایکسپو میںچائنا ڈیجیٹل کامرس ڈویلپمنٹ رپورٹ2026 سمیت متعدد اہم رپورٹس بھی جاری کی گئیں۔ اس کے علاوہ 226 نئی مصنوعات، خدمات اور منصوبوں کی پہلی رونمائی اور نمائش کی گئی، جن میں ڈیجیٹل طبی خدمات اور ڈیجیٹل نقل و حرکت سمیت مختلف شعبے شامل ہیں۔