لاہور(نیوزڈیسک)لاہور اقبال ٹاؤن انوسٹی گیشن پولیس نے ریکارڈ یافتہ اشتہاریوں کے خلاف بڑا کریک ڈاؤن کرتے ہوئے فلم سٹار ریماء اور نامور پرڈیوسر سخی سرور کے گھر پر قبضہ کرنے والی 2 خواتین سمیت 7 افراد کو گرفتار کرلیا۔
تفصیلات کے مطابق اقبال ٹاؤن انوسٹی گیشن پولیس نے ایس پی انوسٹی گیشن عقیلہ نقوی کی ہدایت پر کارروائی کرتے ہوئے ڈکیتی، قتل، ہوائی فائرنگ اور شریف لوگوں کی زمینوں پر قبضہ کرنے میں ملوث ملزمان ثمر رانا، ارم، عبدالرحمان، مظہر، حسین، فہد اور مدثر کو گرفتار کرلیا۔
ملزمان کے خلاف متعدد تھانوں میں مقدمات درج ہیں۔ ملزمان کے قبضے سے اسلحہ اور دیگر سامان بر آمد ہوا ہے۔
پولیس کا کہنا ہے کہ خطرناک اشتہاریوں کے خلاف کریک ڈاؤن جاری رہے گا۔ ملزمان نے سید کلیم شاہ کے مکان کے بھی جعلی کاغذات بنا رکھے تھے، ملزمان کافی عرصہ سے اشتہاری ہیں۔
