لاہور(نیوزڈیسک)پاکستان مسلم لیگ ق نے پنجاب میں اپنی صوبائی نشستوں کی تعداد برقرار رکھی ۔
ترجمان مسلم لیگ ق مصطفیٰ ملک کے مطابق پاکستان مسلم لیگ ایک مرتبہ پھر 10 نشستوں کیساتھ پنجاب اسمبلی میں بیٹھے گی ،2018ء کے انتخابات کے بعد بھی تعداد 10 تھی جو 2024ء میں برقرار رہی،
ترجمان مسلم لیگ ق مصطفیٰ ملک نے اسے چوہدری شجاعت کے سیاسی تدبر اور مستقل مزاجی کا نتیجہ قرار دیدیا
مصطفیٰ ملک نے کہا کہ ہم نے 2024ء کا الیکشن اپنے انتخابی نشان کیساتھ بغیر کسی اتحاد کے لڑا اور کامیاب ہوئے،
چوہدری شجاعت نے بتا دیا کہ وہ پیرانہ سالی کے باوجود عزم و حوصلے کیساتھ آج بھی سیاست کے سب سے بڑے کھلاڑی،
مسلم لیگ ق کی تاشفین صفدر مرالہ اور سلمی ہاشمی خواتین کی مخصوص نشستوں پر اراکین پنجاب اسمبلی منتخب ہوئیں۔
ترجمان مسلم لیگ ق کے مطابق پنجاب میں مسلم لیگ ق کی پارلیمانی پارٹی کی تعداد 10 ہوچکی، چوہدری شجاعت حسین کی قیادت میں پارٹی پہلے سے مزید فعال ہوئی،
مصطفیٰ ملک نے کہا کہ کسی سیاسی جماعت سے سیٹ ایڈجسٹمنٹ کے بغیر ق لیگ نے بہترین نتائج دیے ،چودھری سالک کے سوا 9 منتخب ممبران پنجاب اسمبلی کا حلف لیں گے، چوہدری سالک حسین صوبائی نشست چھوڑ دینگے، چوہدری سالک حسین قومی اسمبلی میں پارٹی کی نمائندگی کریں گے، مسلم لیگ ق عوامی نمائندگی کا بھرپور حق ادا کرے گی، پیپلزپارٹی اور ن لیگ کا اشتراک اقتدار کا فارمولہ خوش آئند ہے،۔
انہوں نے کہا کہ جمہوری نظام کو چلانے کیلئے تمام سیاسی قوتوں کو مشترکہ اہداف مقرر کرنے چاہیئں،
