ہانگ کانگ کی قومی سلامتی سے متعلق قانون سازی جائز اور ضروری ہے ،چین

ہانگ کانگ میں چین کی وزارت خارجہ کے کمشنر کے دفتر کے ترجمان نے گروپ آف سیون (جی 7) ممالک کے وزرائے خارجہ اور یورپی یونین کے خارجہ امور اور سلامتی پالیسی کے اعلی نمائندے کی جانب سے ہانگ کانگ کے قومی سلامتی کے قانون اور قومی سلامتی آرڈیننس کو بدنام کرنے کے لئے بدنیتی پر مبنی جاری کردہ بیان کی سخت مخالفت کی گئی اور مذمت کا اظہار کیا گیا۔
ترجمان نے کہا کہ ہانگ کانگ کے قومی سلامتی قانون کے نفاذ نے ہانگ کانگ میں قومی سلامتی کے تحفظ میں خامیوں کو مؤثر طریقے سے دور کیا ہے ، اور یہ ہانگ کانگ کو افراتفری سے نظم و ضبط کی طرف لے جانے میں ایک اہم موڑ ہے۔ انہوں نے کہا کہ یہ ایک بنیادی حقیقت ہے جسے کوئی بھی غیر جانبدار ملک دیکھ سکتا ہے۔ قومی سلامتی کے ضوابط کے نفاذ نے ہانگ کانگ کو “سیفٹی انشورنس” فراہم کیا ہے ، جسے ہانگ کانگ کے شہریوں کی وسیع پیمانے پر حمایت حاصل ہے۔
ترجمان نے زور دے کر کہا کہ ہانگ کانگ چین کا خصوصی انتظامی علاقہ ہے اور ہانگ کانگ کے معاملات چین کے اندرونی معاملات ہیں جن میں کسی بیرونی قوت کو مداخلت کی اجازت نہیں دی جائے گی۔