چائنا کوسٹ گارڈ کا چین کے پانیوں میں حقوق کا دفاع اور قانون کا نفاذ جاری رکھنے کا اعلان

بیجنگ: چائنا کوسٹ گارڈ کے ترجمان لیو ڈہ جون نے کہا کہ 4 مارچ کو چین کی اجازت سے فلپائن نے چین کے رینائی ریف پر اپنے غیر قانونی طور پر “گراؤنڈڈ” جہاز کو روزمرہ کی ضروریات کی فراہمی کے لیے ایک سویلین کشتی بھیجی۔
چائنا کوسٹ گارڈ نے پورے عمل کی نگرانی کی۔چین فلپائن پر زور دیتا ہے کہ وہ اپنے وعدوں کی پاسداری کرتے ہوئے پروپیگنڈا بند کرے اور سمندری صورتحال کو سنبھالنے کے لئے چین کے ساتھ ملکر کام کرے۔ چائنا کوسٹ گارڈ قانون کے مطابق نانشا جزائر بشمول رینائی ریف اور اس سے ملحقہ پانیوں میں حقوق کے تحفظ اور قانون نافذ کرنے کی سرگرمیاں جاری رکھے گا۔