بھارت کی آبی دہشت گردی ناقابلِ برداشت، پاک فوج منہ توڑ جواب دے گی: ڈاکٹر شوکت علی

لندن :مسلم لیگ (ق) اوورسیز کے جنرل سیکرٹری ڈاکٹر شوکت علی نے کہا ہے کہ بھارت کی جانب سے سندھ طاس معاہدے کی خلاف ورزی نہ صرف بین الاقوامی قوانین کی صریح خلاف ورزی ہے بلکہ یہ پاکستان کی سالمیت پر حملہ اور کھلی جنگ کا اعلان ہے۔
اپنے ایک بیان میں انہوں نے کہا کہ بھارتی جارحیت اور آبی دہشت گردی کے سنگین نتائج برآمد ہوں گے۔ڈاکٹر شوکت علی نے واضح کیا کہ پاکستان ایک ذمہ دار ایٹمی قوت ہے، لیکن اگر دشمن نے جنگ مسلط کی تو پاک فوج پوری قوم کے اعتماد اور حمایت کے ساتھ بھرپور اور منہ توڑ جواب دے گی۔ انہوں نے عالمی اداروں، اقوام متحدہ، اور انسانی حقوق کی تنظیموں سے مطالبہ کیا کہ وہ اس سنگین مسئلے پر فوری ایکشن لیں اور جنوبی ایشیا کو ممکنہ تباہ کن جنگ سے بچانے کے لیے اپنا کردار ادا کریں۔انہوں نے مزید کہا کہ پوری پاکستانی قوم، بالخصوص اوورسیز کمیونٹی، ملک کے دفاع اور خودمختاری کے لیے ہر طرح کی قربانی دینے کو تیار ہے۔