مشی گن کے لوگوں کی امریکی اقتصادی مستقبل کے بارے میں مایوسی ، سروے نتائج

امریکی ریاست مشی گن میں ڈیٹرائٹ ریجنل چیمبر آف کامرس کی جانب سے حالیہ جاری کیے گئے ایک سروے نتائج کے مطابق مشی گن میں تقریباً 54 فیصد جواب دہندگان کا خیال ہے کہ ٹرمپ انتظامیہ کی ٹیرف پالیسی ریاست کی معیشت پر منفی اثرات مرتب کرے گی۔ معاشی توقعات کے لحاظ سے، 62 فیصد جواب دہندگان کا خیال ہے کہ امریکی معیشت اس وقت کمزور ہے یا کساد کی جانب بڑھ رہی ہے. چیمبر آف کامرس کے سربراہ نے کہا کہ یہ اعداد و شمار ظاہر کرتے ہیں کہ عمومی طور پر اس ریاست کے عوام امریکہ کی موجودہ معاشی صورتحال کے بارے میں مایوس ہیں۔ اس کے علاوہ، 79 فیصد جواب دہندگان کا خیال ہے کہ ٹیرف پالیسی براہ راست اجناس کی قیمتوں میں اضافے کا باعث بنے گی اور رہائشیوں کے لئے ضروریات زندگی کی لاگت میں اضافہ ہو گا۔