سکیورٹی اداروں نے بھارتی خفیہ ایجنسی ’را‘ کیلئے جاسوسی کرنیوالے 3 افراد کو گرفتار کرلیا

اسلام آباد (نیوز ڈیسک) سکیورٹی اداروں نے ایک اہم کارروائی کرتے ہوئے بھارتی خفیہ ایجنسی “را” سے منسلک جاسوسی نیٹ ورک میں ملوث تین افراد کو گرفتار کر لیا ہے۔

سکیورٹی ذرائع کے مطابق گرفتار افراد کا تعلق نارووال، بہاولپور اور آزاد کشمیر کے ضلع نیلم سے بتایا گیا ہے۔ابتدائی تفتیش میں ملزمان نے اعتراف کیا کہ انہیں سوشل میڈیا کے ذریعے خواتین اور مالی فوائد کا لالچ دے کر حساس معلومات حاصل کرنے پر آمادہ کیا گیا۔ ذرائع کے مطابق انہیں رقوم کرپٹو والٹس اور بینک اکاؤنٹس کے ذریعے منتقل کی جاتی رہیں۔مزید تحقیقات میں یہ بات بھی سامنے آئی کہ ملزمان مسلسل ’را‘ سے وابستہ خواتین کے ساتھ رابطے میں رہے۔

حکام کے مطابق گرفتار افراد کے خلاف آفیشل سیکرٹ ایکٹ کے تحت مقدمات درج کیے گئے، اور قانونی کارروائی مکمل ہونے کے بعد انہیں سزائیں بھی سنا دی گئی ہیں۔