عوام کو کتب بینی کی جانب راغب کرنے پر چینی صدر کے مضمون کی اشاعت

بیجنگ : چھیو شی میگزین کے جمعرات کو شائع ہونے والے آٹھویں شمارے میں سی پی سی سینٹرل کمیٹی کے جنرل سیکرٹری، چین کے صدر اور مرکزی فوجی کمیشن کے چیئرمین شی جن پھنگ کا ایک اہم مضمون شائع کیا جائے گا۔ مضمون کا عنوان ہے “تمام لوگوں کو مطالعے کی جانب راغب کریں، ایک کتاب دوست معاشرہ قائم کریں ” ۔ یہ مضمون مارچ 2013سے مارچ 2025 کے دوران جنرل سیکرٹری شی جن پھنگ کے اہم خطابات پر مبنی ہے ۔ مضمون میں کہا گیا ہے کہ لوگوں کو زیادہ مطالعہ کرنے کی ترغیب دینی چاہیے اور ایک کتاب دوست معاشرہ قائم کرنا چاہیے، تاکہ عوام کے فکری معیار اور ان کی روحانی طاقت میں اضافہ ہو اور اس سے مجموعی طور پر چینی قوم کی فکری دنیا مزید وسیع اور بھرپور ہو ۔مضمون میں یہ بھی کہا گیا ہے کہ ایک ایسا معاشرہ قائم کیا جانا چاہیے جس میں پوری قوم مطالعے کی عادت کو زندگی بھر اپنائے ۔ اس کے ساتھ یہ امید بھی ظاہر کی گئی ہے کہ پورا معاشرہ مطالعے کی طرف راغب ہو، اور ایسا ماحول پیدا کیا جائے جہاں کتاب پڑھنا ایک عام اور پسندیدہ عمل بن جائے۔ لوگ نہ صرف کتابیں پڑھیں بلکہ اچھی کتابوں کا انتخاب کریں اور مؤثر انداز میں مطالعہ کرنے کی عادت بھی اپنائیں۔