چین، 139واں کینٹن فیئر گوانگ چومیں شروع ہو گیا

بیجنگ : 139واں کینٹن فیئر گوانگ چو میں شروع ہوا۔ اس سال کینٹن فیئر کا حجم ایک بار پھر نئی بلندیوں تک پہنچ گیا ہے، جس میں نئے معیار کی پیداواری قوتوں پر توجہ مرکوز کرتے ہوئے عالمی طلب و رسد کے مؤثر اتصال کے لیے اعلیٰ معیار کا پلیٹ فارم فراہم کیا گیا ہے، تاکہ چین کی غیر ملکی تجارت کو مستحکم اور بہتر بنایا جا سکے اور اعلیٰ سطح کے بیرونی کھلے پن کی پالیسی کو فروغ ملے۔موجودہ کینٹن فیئر کا مجموعی نمائشی رقبہ 15 لاکھ 50 ہزار مربع میٹر ہے، جبکہ کل 75 ہزار 700 اسٹالز قائم کیے گئے ہیں۔ 32 ہزار سے زائد کمپنیاں اس میں شریک ہیں، جن میں 60 فیصد سے زیادہ ادارے اپنے ذاتی برانڈز کے حامل ہیں، جبکہ تقریباً 3900 کمپنیاں پہلی بار شرکت کر رہی ہیں۔ میلے میں 46 لاکھ 50 ہزار سے زائد مصنوعات کی نمائش کی جا رہی ہے۔جدید ٹیکنالوجی اور اعلیٰ قدر کی حامل مصنوعات کی بڑی تعداد اس بات کی عکاسی کرتی ہے کہ چین کی مینوفیکچرنگ صنعت تیزی سے اعلیٰ معیار، ذہانت اور ماحول دوست سمت کی جانب بڑھ رہی ہے۔افتتاحی روز غیر ملکی خریداروں کی بھرپور شرکت دیکھنے میں آئی، اور نمائش میں براہ راست طور پر شریک غیر ملکی خریداروں کی تعداد 70 ہزار سے تجاوز کر گئی۔اس سال کینٹن فیئر کے دوران 600 سے زائد نئی مصنوعات کی رونمائی کی تقریبات، 9 موضوعاتی فورمز اور 15 “ٹریڈ برج” سپلائی و ڈیمانڈ میچنگ سرگرمیاں بھی منعقد کی جائیں گی، جو ملکی و غیر ملکی کاروباری اداروں کے لیے مؤثر روابط اور درست تجارتی پلیٹ فارم فراہم کریں گی۔