چین عالمی اقتصادی امور میں قائدانہ حیثیت رکھتا ہے، سابق صدر کروشیا

بیجنگ :کروشیا کے سابق صدر ایوو یوسیپوویچ نے ایک انٹرویو میں گفتگو کرتے ہوئے موجودہ عالمی صورتحال پر اپنے خیالات کا اظہار کیا۔انہوں نے کہا کہ دنیا کو دوبارہ کسی ایک طاقت کی یکطرفہ بالادستی والے پرانے نظام کی طرف نہیں جانا چاہیے۔ کثیر قطبی نظام کا رجحان واضح طور پر سامنے آ چکا ہے اور آئندہ بھی اسی سمت میں پیش رفت جاری رہے گی۔چین کے کردار پر بات کرتے ہوئے انہوں نے کہا کہ چین نہ صرف ایک مساوی شراکت دار ہے بلکہ بعض شعبوں میں عالمی اقتصادی امور میں قائدانہ حیثیت بھی رکھتا ہے۔ انہوں نے امید ظاہر کی کہ یورپ چین کے بارے میں پائے جانے والے نام نہاد خدشات کو ختم کرے گا اور دونوں فریق اپنی اپنی صلاحیتوں کو یکجا کرتے ہوئے زیادہ مضبوط شراکت داری قائم کریں گے۔بیلٹ اینڈ روڈ انیشی ایٹو کے حوالے سے انہوں نے کہا کہ یہ ایک ایسا پلیٹ فارم ہے جس نے تعاون کے لیے مؤثر راستہ فراہم کیا ہے۔ ان کے مطابق یہ اقدام صرف اقتصادی میدان تک محدود نہیں بلکہ ثقافتی تبادلوں کو بھی فروغ دیتا ہے۔ انہوں نے صدر شی جن پھنگ کی جانب سے پیش کردہ چار گلوبل انیشی ایٹوز کو سراہتے ہوئے کہا کہ انہیں یقین ہے کہ یہ انیشی ایٹوز دور رس اثرات کے حامل ہوں گے اور عالمی سطح پر مثبت تبدیلیاں لائیں گے۔