چینی وزارتِ خارجہ  نے صدرِ پاکستان کے دورۂ چین سے متعلق تفصیلات جاری کر دیں

بیجنگ :چینی وزارتِ خارجہ کے ترجمان لین جیان نے معمول کی پریس بریفنگ میں بتایا کہ پاکستان کے صدر آصف علی زرداری 25 اپریل سے یکم مئی تک چین کا دورہ کر رہے ہیں۔ترجمان نے کہا کہ رواں سال چین اور پاکستان کے سفارتی تعلقات کے قیام کی 75ویں سالگرہ ہے اور دونوں ممالک کے تعلقات مسلسل اعلیٰ سطح پر مستحکم انداز میں آگے بڑھ رہے ہیں۔ صدر زرداری چین کے صوبہ ہونان اور صوبہ ہائی نان کا بھی دورہ کر رہے ہیں۔انہوں نے کہا کہ چین پاکستان کے ساتھ مل کر مختلف سطحوں اور مختلف علاقوں میں دوستانہ تبادلوں اور عملی تعاون کو مزید فروغ دینا چاہتا ہے، تاکہ چین۔پاکستان ہم نصیب معاشرے کی تعمیر کو مزید مضبوط بنایا جا سکے۔