چینی صدر کا یومِ مزدور کے موقع پر محنت کشوں کو خراجِ تحسین قومی ترقی میں کردار ادا کرنے کی تلقین

بیجنگ : عالمی یومِ مزدور کے موقع پر چین کے صدر شی جن پھنگ نے مرکزی کمیٹی کی جانب سے ملک بھر کے محنت کشوں کو تہنیت اور دلی نیک خواہشات پیش کیں۔جمعرات کے روز انہوں نے کہا کہ چینی طرز جدیدیت کے نئے سفر میں ملک بھر کے محنت کش عوام پارٹی کی قیادت میں متحد ہو کر محنت، جدوجہد، جدت اور تخلیقی صلاحیتوں کا مظاہرہ کر رہے ہیں اور قومی ترقی میں اہم کردار ادا کر رہے ہیں۔شی جن پھنگ نے اس بات پر زور دیا کہ رواں سال کمیونسٹ پارٹی آف چائنا کے قیام کی 105ویں سالگرہ ہے اور "پندرہویں پانچ سالہ منصوبے” کا آغاز بھی اسی سال ہو رہا ہے۔ انہوں نے امید ظاہر کی تمام محنت کش محنت، لگن اور مہارت کے جذبے کو فروغ دیں گے، دیانت داری اور جذبۂ خدمت کے ساتھ کام کریں گے اور سماجی و معاشی ترقی میں مرکزی قوت کے طور پر اپنا کردار ادا کریں گے۔انہوں نے مزید کہا کہ مختلف سطحوں پر پارٹی تنظیمیں اور حکومتیں محنت کشوں کے قانونی حقوق کے تحفظ کو یقینی بنائیں، ان کے مسائل کو حل کریں اور انہیں قومی ترقی کے عظیم اہداف کے حصول کے لیے متحرک کریں ۔