تاجکستان کے صدر امام علی رحمان چین کے سرکاری دورے پر بیجنگ پہنچ گئے

بیجنگ:چینی صدر شی جن پھنگ کی دعوت پر تاجکستان کے صدر امام علی رحمان 11 مئی کی سہ پہر چین کے چار روزہ سرکاری دورے پر بیجنگ پہنچے۔ حالیہ دور میں چین اور تاجکستان کے تعلقات تاریخ کی بہترین سطح پر ہیں۔ دونوں ممالک کے درمیان باہمی سیاسی اعتماد نئی بلندی تک پہنچ چکا ہے، باہمی تجارت میں ترقی کا رجحان برقرار ہے، بین الاقوامی تعاون میں وافر ثمرات برآمد ہوئے ہیں، دونوں ممالک کے عوام کے درمیان دوستی مضبوط ہوتی جا رہی ہے، اور یوں چین اور تاجکستان صحیح معنوں میں جامع اسٹریٹجک شراکت دار بن گئے ہیں۔ تاجکستان کے صدر امام علی رحمان 22 مرتبہ چین کا دورہ کر چکے ہیں۔ گزشتہ سال اگست کے آخر سے ستمبر کے اوائل تک وہ شنگھائی تعاون تنظیم کے تھیان جن سربراہ اجلاس اور جاپانی جارحیت کے خلاف چینی عوام کی مزاحمتی جنگ اور فسطائیت مخالف عالمی جنگ کی فتح کی 80 ویں سالگرہ کی تقریب میں شرکت کے لئے چین تشریف لائے تھے۔