چین یورپ مال بردار ٹرین سروس کی سالانہ تعداد میں ایک دہائی کے دوران 10.8 گنا اضافہ

بیجنگ : چائنا اسٹیٹ ریلوے گروپ نے جاری کردہ اعداد و شمار میں بتایا ہے کہ چین۔یورپ مال بردار ٹرین سروسز کی سالانہ تعداد 2016 میں 1702 ٹرینوں سے بڑھ کر 2025 میں 20 ہزار 22 ٹرینوں تک پہنچ گئی، جو دس برس کے دوران 10.8 گنا اضافہ ہے۔اعداد و شمار کے مطابق اس عرصے میں اوسط سالانہ شرح نمو 31.5 فیصد رہی، جبکہ 2020 سے اب تک ہر سال چین۔یورپ مال بردار ٹرینوں کی تعداد 10 ہزار سے زائد برقرار رہی ہے۔اس وقت چین کے 129 شہروں سے چین۔یورپ مال بردار ٹرین سروسز چلائی جا رہی ہیں، جو یورپ کے 26 ممالک کے 236 شہروں تک رسائی فراہم کرتی ہیں۔ اس نیٹ ورک کا دائرہ کار بنیادی طور پر پورے یوریشیائی خطے تک پھیل چکا ہے۔چائنا اسٹیٹ ریلوے گروپ کے مطابق رواں سال 10 جون تک چین۔یورپ مال بردار ٹرینوں کی تعداد 10 ہزار سے تجاوز کر چکی ہے، جبکہ کنٹینرز کی مجموعی ترسیل بھی 10 لاکھ ٹی ای یو سے زیادہ ہو گئی ہے، جو اسی مدت کے دوران ایک نیا تاریخی ریکارڈ ہے۔