چین اور مونٹی نیگرو کے درمیان روایتی دوستی گہری ہے، چینی صدر

بیجنگ:چین کے صدر شی جن پھنگ اور مونٹی نیگرو کے صدر جیکو میلاتووچ نے چین اور مونٹی نیگرو کے درمیان سفارتی تعلقات کے قیام کی 20ویں سالگرہ کے موقع پر تہنیتی پیغامات کا تبادلہ کیا۔پیر کے روز شی جن پھنگ نے اپنے پیغام میں کہا کہ چین اور مونٹی نیگرو کے درمیان روایتی دوستی گہری ہے۔ سفارتی تعلقات کے قیام کے گزشتہ 20 برسوں کے دوران دونوں ممالک نے ہمیشہ باہمی احترام، مساوی برتاؤ اور باہمی مفاد پر مبنی تعاون کی بنیاد پر تعلقات کو فروغ دیا ہے، اور مختلف حجم کے ممالک کے درمیان دوستانہ تعلقات اور مشترکہ ترقی کی ایک عمدہ مثال قائم کی ہے۔ انہوں نے کہا کہ وہ صدر میلاتووچ کے ساتھ مل کر دونوں ممالک کے سفارتی تعلقات کے 20 سال مکمل ہونے کو ایک نئے نقطۂ آغاز کے طور پر لیتے ہوئے روایتی دوستی کو آگے بڑھانے، باہمی مفاد پر مبنی تعاون کو مسلسل وسعت دینے اور چین۔مونٹی نیگرو تعلقات کو نئی بلندیوں تک پہنچانے کے خواہاں ہیں، تاکہ دونوں ممالک کے عوام کو مزید فوائد حاصل ہوں۔ صدر میلاتووچ نے اپنے پیغام میں کہا کہ مونٹی نیگرو اور چین نے ہمیشہ باہمی احترام اور افہام و تفہیم کی بنیاد پر دوستانہ تعاون کو فروغ دیا ہے۔ مونٹی نیگرو اس 20ویں سالگرہ کو ایک موقع کے طور پر استعمال کرتے ہوئے چین کے ساتھ دوستانہ تعلقات کو مزید مضبوط اور گہرا کرنے، مختلف شعبوں میں تعاون کو وسعت دینے، دونوں ممالک کے عوام کو فائدہ پہنچانے اور عالمی امن و ترقی کے فروغ میں مثبت کردار ادا کرنے کا خواہاں ہے۔