نئے دور میں چین کی حکمرانی کا ریکارڈ” کی پہلی جلد کا روایتی چینی زبان میں ایڈیشن شائع

بیجنگ : 36واں ہانگ کانگ بک فیئر ہانگ کانگ کنونشن اینڈ ایگزیبیشن سینٹر میں شروع ہوگیا ہے۔ اس موقع پر کتاب “نئے دور میں چین کی حکمرانی کا ریکارڈ” کی پہلی جلد کے روایتی چینی زبان میں ایڈیشن کی رونمائی کی گئی۔یہ کتاب تحریروں اور تصاویر کے ذریعے کمیونسٹ پارٹی آف چائنا کی مرکزی کمیٹی کے جنرل سیکرٹری شی جن پھنگ کی دور اندیش رہنمائی میں چین کے عظیم نشاۃ ثانیہ کی جانب پیش قدمی کے تاریخی سفر کو پیش کرتی ہے۔ کتاب کی پہلی جلد کے روایتی چینی زبان میں ایڈیشن کی اشاعت ہانگ کانگ اور مکاؤ کے تمام شعبوں کے لیے معیشت کے فروغ، عوامی زندگی کی بہتری اور قومی شعور اور حب الوطنی کے فروغ کے حوالے سے ایک اہم مطالعاتی مواد فراہم کرتی ہے۔