ایران سے ایل پی جی کی سپلائی میں کمی طلب کا مسئلہ پیدا ہو رہا ہے، ایل پی جی ڈیلر

تفتان کے راستے ایران سے لیکویفائیڈ پیٹرولیم گیس (ایل پی جی) کی سپلائی میں خاطر خواہ کمی آئی ہے۔ 

کوئٹہ سے ایل پی جی ڈیلر شوکت عیسیٰ زئی کے مطابق براستہ تفتان یومیہ ایران سے ایل پی جی کے 5 سے 10 باؤزر آ رہے ہیں۔ ایران سے انتہائی قلیل ایل پی جی موصول ہو رہی ہے، جس سے طلب کا مسئلہ پیدا ہو رہا ہے۔ 

ایل پی جی ڈیلر کے مطابق گوادر کے علاقے گبد سے ایل پی جی باؤزر کی آمد ہو رہی ہے لیکن وہاں ایل پی جی باؤزر خالی کرنے کی استطاعت کم ہے، تفتان سے ایل پی جی کی سپلائی کم ہونے سے کاروبار پر بڑا برا اثر پڑا ہے۔

شوکت عیسیٰ زئی نے دعویٰ کیا کہ ایل پی جی کی سپلائی اور ڈیمانڈ کے فرق نے قیمت میں بھی اضافہ کر دیا ہے۔