چین کا پاپوا نیو گنی کی جانب سے تائی پے اکنامک آفس بند کرنے کے فیصلے کا خیرمقدم

بیجنگ :پاپوا نیو گنی کی حکومت نے”پاپوا نیو گنی میں تائی پے اکنامک آفس” بند کرنے کا اعلان کیا۔ اس موقع پر پاپوا نیو گنی میں تعینات چین کے سفیر یانگ شیاو گوانگ نے چائنا میڈیا گروپ کو خصوصی انٹرویو دیتے ہوئے اس فیصلے کا خیرمقدم کیا اور کہا کہ یہ ایک بار پھر اس حقیقت کی عکاسی کرتا ہے کہ “ایک چین کے اصول” پر عمل درآمد بین الاقوامی برادری کا مشترکہ رجحان اور وقت کی ضرورت بن چکا ہے۔چینی سفیر نے کہا کہ پاپوا نیو گنی کی حکومت نے تاریخ کے دھارے سے ہم آہنگ فیصلہ کیا ہے، جو چین کے ساتھ تعلقات کو فروغ دینے کے لیے حکومت اور عوام کے مثبت عزم اور دوستانہ رویے کی بھرپور عکاسی کرتا ہے۔ انہوں نے کہا کہ یہ اقدام دیگر ممالک کے لیے بھی تائیوان سے متعلق اداروں کے معاملات نمٹانے کے حوالے سے ایک قابلِ تقلید مثال فراہم کرتا ہے۔انہوں نے مزید کہا کہ چین اور پاپوا نیو گنی کے درمیان سفارتی تعلقات کے قیام کو پچاس برس مکمل ہو چکے ہیں اور اس عرصے میں دونوں ممالک کے درمیان مختلف شعبوں میں تعاون کے نمایاں نتائج سامنے آئے ہیں۔ پاپوا نیو گنی کا یہ فیصلہ چین اور پاپوا نیو گنی کے تعلقات کو مزید وسعت دینے اور دوطرفہ تعاون کے لیے نئے مواقع فراہم کرنے میں اہم کردار ادا کرے گا۔