چین میں انسدادِ دہشت گردی پر بین الاقوامی سمپوزیم کا انعقاد

بیجنگ : انسدادِ دہشت گردی پر بین الاقوامی سمپوزیم 2026 ، چار  اگست کو چین کے سنکیانگ ویغور خود اختیار علاقے کے شہر ای نینگ میں منعقد ہوا، جس میں 20 سے زائد ممالک اور بین الاقوامی تنظیموں کے تقریباً 100 نمائندوں نے شرکت کی۔ سمپوزیم کا موضوع “دہشت گردی کے نئے چیلنجز کے تناظر میں قومی ذمہ داری کو مضبوط بنانا اور بین الاقوامی یکجہتی کو فروغ دینا” تھا۔سمپوزیم کے دوران چین نے انسدادِ دہشت گردی کے معاملے میں دوہرے معیار کی واضح مخالفت کرتے ہوئے تمام ممالک پر زور دیا کہ وہ اپنی بین الاقوامی ذمہ داریاں  نبھاتے ہوئے کثیرالجہتی پر عمل کریں اور دہشت گردی  پر مشترکہ طور پر کاری ضرب لگانے کے لیے عالمی سطح پر اتفاقِ رائے اور تعاون کو فروغ دیں۔ چین نے گزشتہ 70 برس کے دوران سنکیانگ کی ترقیاتی کامیابیوں  اور مسلسل استحکام کے ذریعے انسدادِ دہشت گردی اور انتہا پسندی کے خاتمے کے حوالے سے ثمرات کا مظاہرہ کیا۔ اس موقع پر  مشرقی ترکستان اسلامک موومنٹ ” کی پرتشدد اور دہشت گرد تنظیم کے طور پر نوعیت اور اس سے لاحق خطرات کو بھی اجاگر کیا گیا۔