چین کی سپریم پیپلز کورٹ کا جرائم پیشہ گروہوں کے خلاف ملک گیر خصوصی مہم کا آغاز

بیجنگ:حال ہی میں چین کی سپریم پیپلز کورٹ نے جرائم پیشہ گروہوں کے خلاف خصوصی مہم کو مزید مؤثر بنانے کے لیے ملک بھر کی عدالتوں کو متحرک کرنے کے لیےایک قومی اجلاس منعقد کیا۔ اجلاس میں کہا گیا ہے کہ تمام سطحوں کی عوامی عدالتیں اپنی سوچ اور عملی اقدامات کو کمیونسٹ پارٹی آف چائنا کی مرکزی کمیٹی کے جنرل سیکرٹری شی جن پھنگ کی اہم ہدایات اور پارٹی کی مرکزی کمیٹی کے فیصلوں سے ہم آہنگ کرتے ہوئے ان پر مکمل اور مؤثر انداز میں عمل درآمد یقینی بنائیں، تاکہ جرائم پیشہ گروہوں اور قوتوں کے خلاف خصوصی مہم کو قانون کے مطابق بھرپور انداز میں آگے بڑھایا جا سکے۔اجلاس میں اس بات پر بھی زور دیا گیا کہ جرائم پیشہ گروہوں کی سرگرمیوں کی نئی نوعیت، خصوصیات اور بدلتے ہوئے رجحانات اور قوائد کو مدنظر رکھتے ہوئے ان کے خلاف کارروائیوں میں قانون کی حکمرانی، پیشہ ورانہ مہارت اور معیار کو مزید بہتر بنایا جانا چاہیے۔ تنظیمی اور انتظامی قیادت کو مضبوط بنایا جائے، اس خصوصی مہم کو ہر سطح کی عدالتوں کے اول سربراہ کی اولین ترجیح بناتے ہوئے اس کے ٹھوس نتائج یقینی بنائے جائیں، تاکہ اعلیٰ معیار کی معاشی و سماجی ترقی کے لیے ایک محفوظ، مستحکم اور پُرامن سماجی ماحول فراہم کیا جا سکے۔