عمان: عرب اور اسلامی ممالک کے وزرائے خارجہ نے 5 اگست کو اردن کے دارالحکومت عمان میں ایک اجلاس منعقد کیا، جس میں اسرائیل کی جانب سے یروشلم کی قانونی حیثیت، نوعیت اور آبادیاتی ساخت تبدیل کرنے سے متعلق پالیسیوں اور اقدامات کی شدید مذمت کی گئی۔
اجلاس میں شریک وزرائے خارجہ اور نمائندوں نے مشترکہ بیان جاری کرتے ہوئے اس بات پر زور دیا کہ مشرقی یروشلم فلسطینی سرزمین کا اٹوٹ حصہ ہی نہیں بلکہ ایک آزاد مملکت فلسطین کا دارالحکومت ہے۔ بیان میں کہا گیا کہدو ریاستی حل ہی مسئلہ فلسطین کو پرامن طریقے سے حل کرنے اور منصفانہ اور جامع امن کے حصول کا واحد راستہ ہے۔ بیان میں عالمی برادری اور اقوام متحدہ کی سلامتی کونسل سے مطالبہ کیا گیا کہ وہ یروشلم میں اسرائیل کی جانب سے اٹھائے گئے تمام غیر قانونی اقدامات کو روکنے کے لیے فوری کارروائی کرے۔بیان میں اپیل کی گئی کہ ستمبر میں اقوام متحدہ کی جنرل اسمبلی کے اعلیٰ سطحی اجلاس کے دوران اسلامی تعاون تنظیم اور عرب لیگ کا مشترکہ وزارتی اجلاس منعقد کیا جائے، تاکہ یروشلم میں اسرائیلی اقدامات کے باعث پیدا ہونے والی تشویشناک صورتحال اور بڑھتی ہوئی کشیدگی پر غور کیا جا سکے۔
