چین صحت کی دیکھ بھال کی اعلیٰ معیار کی ترقی کو فروغ دےگا , ریاستی کونسل

بیجنگ :چین کی ریاستی کونسل کے دفتر اطلاعات کی جانب سے منعقدہ ایک پریس کانفرنس میں، چین کی نیشنل ہیلتھ کیئر سیکورٹی ایڈمنسٹریشن کے متعلقہ حکام نے بتایا کہ ملک کے 15ویں پانچ سالہ منصوبے کے دوران، چین قومی سطح پر صحت کی دیکھ بھال کی بنیاد کو مضبوط بناتا رہے گا اور صحت کی دیکھ بھال کی اعلیٰ معیار کی ترقی کو فروغ دے گا۔ حکام کے مطابق 14ویں پانچ سالہ منصوبے کی مدت کے دوران، چین نے دنیا کا سب سے بڑا بنیادی طبی سیکیورٹی نیٹ ورک قائم کیا ہے، جس میں شرکت کی شرح 95 فیصد پر مستحکم ہے۔ نئی ٹیکنالوجیز اورنئے منصوبے ری فنڈ کے دائرہ کار میں شامل ہیں۔ ملازمین اور عام شہریوں کے لیے میڈیکل انشورنس پالیسی کے تحت داخل مریضوں کے اخراجات کی ادائیگی کا تناسب بالترتیب تقریباً 80 فیصد اور 70 فیصد تک پہنچ گیا ہے جبکہ بین الصوبائی طبی علاج کے لیے براہ راست سیٹلمنٹ کی شرح 90 فیصد تک پہنچ گئی ہے۔ متعلقہ حکام کا کہنا تھا کہ چین کے 15ویں پانچ سالہ منصوبے کی مدت کے دوران، طبی بیمہ نظام کی بنیاد کو مزید مضبوط کیا جائے گا، عوام کی طبی بیمہ میں ہمہ گیر شمولیت کو مسلسل بہتر بنایا جائے گا اور بے روزگار افراد، کسان مزدوروں اور روزگار کی نئی شکلوں سے وابستہ کارکنوں سمیت اہم گروہوں کو ملازمین کے طبی بیمہ نظام میں شامل کرنے کا دائرہ وسیع کیا جائے گا۔