بیجنگ :چائنا میڈیا گروپ اور قازقستان کے صدارتی ریڈیو و ٹیلی وژن کمپلیکس کے اشتراک سے منعقد ہونے والے دوسرے “سلک روڈ اسٹار” بین الاقوامی موسیقی مقابلے کا پہلا مقابلہ 6 ستمبر کو نشر کیا جائے گا۔
چائنا میڈیا گروپ کے اہم بین الاقوامی ثقافتی تبادلہ منصوبے کے طور پر منعقد ہونے والے اس مقابلے میں 12 ممالک کے باصلاحیت گلوکار صوبہ زے جیانگ کے شہر ای وو میں جمع ہوئے ہیں۔ گلوکار 10 موضوعاتی مقابلوں میں اپنی صلاحیتوں کا مظاہرہ کرتے ہوئے سالانہ چیمپئن کے اعزاز کے لیے مقابلہ کریں گے۔چین، قازقستان، جارجیا، کرغزستان، ملائیشیا، ترکیہ، ویتنام، جنوبی افریقہ، روس، سربیا، برازیل اور نیوزی لینڈ سے تعلق رکھنے والے 12 گلوکار ایک ہی اسٹیج پر جمع ہوئے ہیں۔ یہ فنکار ایسی موسیقی پیش کریں گے جو زندگی کے تجربات و احساسات کی عکاسی کرنے کے ساتھ ساتھ اپنے اپنے علاقوں کی ثقافتی خصوصیات سے بھی بھرپور ہے، جس کے ساتھ رواں سال کے مقابلے کے باقاعدہ مقابلوں کا آغاز ہوگا۔
