چین میں موسم گرما کے اناج کی خریداری کا سیزن اختتام کے قریب

بیجنگ : چین کے قومی محکمہ خوراک اور اسٹرٹیجک ریزروز نے 16 ستمبر کو اعلان کیا کہ ملک بھر میں موسم گرما کے اناج کی خریداری کا سیزن اپنے اختتام کے قریب پہنچ گیا ہے۔ اب تک ملک بھر میں گندم کی مجموعی خریداری 10 کروڑ ٹن سے تجاوز کر چکی ہے جبکہ جلد پکنے والے انڈیکا چاول کی خریداری 12 ملین ٹن تک پہنچ گئی ہے۔ رواں سال، چین کے مختلف علاقوں میں 11 کروڑ ٹن کے موسم گرما کے اناج کو ذخیرہ کرنے کی گنجائش موجود ہے، اوراس حوالے سے چین کے زرعی ترقیاتی بینک نے ابتدائی طور پر 150 ارب یوآن کے خصوصی قرضے فراہم کیے ہیں۔ موسم گرما کے اناج کی خریداری ختم ہونے کے بعد موسم خزاں کے اناج کی خریداری ستمبر کے آخر میں شروع ہوگی اور یہ سلسلہ آئندہ سال اپریل کے آخر تک جاری رہےگا۔ رواں سال موسم خزاں کے اناج کی خریداری کا حجم تقریباً 35 کروڑ ٹن رہنے کی توقع ہے۔