گجرات (نیوزڈیسک)مسلم لیگ (ن) کی آئندہ عام انتخابات 2024 کے لیے پارٹی ٹکٹس کا اعلان کیا جا چکا ہے اور ٹکٹس کی تقسیم پر پارٹی قیادت کو کافی تنقید کا سامنا بھی کرنا پڑ رہا ہے۔ جن لوگوں کو پارٹی کی طرف سے ٹکٹ دیے گئے ہیں ان کی فہرست سے انکشاف ہوا ہے کہ (ن) لیگ کے ٹکٹ حاصل کرنے والوں میں کھاریاں کے 3 بھائی بھی شامل ہیں۔
تفصیلات کے مطابق ان بھائیوں کو 1 قومی اسمبلی اور 2 صوبائی اسمبلی کے ٹکٹ دیے گئے ہیں۔ پارٹی کی طرف سے چودھری عابد رضا کوٹلہ کو این اے 62، ان کے بھائیوں چودھری محمد علی تنویر کوٹلہ کو پی پی 33 اور چودھری شبیر احمد کوٹلہ کو پی پی 28 سے (ن) لیگ کا ٹکٹ دیا گیا ہے۔
اس طرح ان کے چوتھے بھائی چودھری شاید رضا کوٹلہ کو پاکستان تحریک انصاف (پی ٹی آئی )نے پی پی 28 کا ٹکٹ جاری کیا ہے وہ حلقے سے اپنے بھائی چودھری شبیر کوٹلہ کا مقابلہ کریں گے۔
