چائنہ میڈیا گروپ کی اسپرنگ فیسٹیول ایونینگ گالا کی پروموشنل ویڈیو دبئی میں چلائی گئی

بیجنگ(نیوزڈیسک)چین کے جشن بہار کے موقع پر متحدہ عرب امارات کے شہر دبئی میں چینی نئے سال کو منانے کے لیے سرگرمیوں کا ایک سلسلہ منعقد کیا گیا ہے۔چینی میڈیا کے مطابق دبئی کے بین الاقوامی ہوائی اڈے،ڈیوٹی فری شاپس، اہم شوپنگ سینٹرز، دبئی اوپیرا ہاؤس سمیت مختلف علاقوں کے 230 سے زائد الیکٹرانک اسکرینوں پر چائنہ میڈیا گروپ کی اسپرنگ فیسٹیول ایونینگ گالا کی پروموشنل ویڈیوچلائی گئی ہے ، جس نے بہت سے مقامی لوگوں کی اسپرنگ فیسٹیول گالا میں بھرپور دلچسپی پیدا کی۔ نئے سال کی شام کو دبئی ائیرپورٹ کی سب سے بڑی اسکرین پر بھی ایک ساتھ اسپرنگ فیسٹیول ایونینگ گالا براہ راست نشر ہو گا۔