اسلام آباد(نیوزڈیسک)الیکشن کمیشن آف پاکستان نے این اے 171 سیالکوٹ سے مسلم لیگ ن کے رہنما خواجہ آصف کی کامیابی کا نوٹیفکیشن روک دیا۔
تفصیلات کے مطابق الیکشن کمیشن میں این اے 71 سے آزاد امیدوار ریحانہ ڈار کی درخواست پر سماعت ہوئی، الیکشن کمیشن نے درخواست منظور کرتے ہوئے این اے 71 کا حتمی نتیجہ روک دیا۔
کمیشن نے ریٹرننگ آفیسز سے تفصیلی رپورٹ طلب کرلی جبکہ کیس کی مزید سماعت 14 فروری تک ملتوی کردی گئی۔
وکیل ریحانہ ڈار نے کمیشن کو بتایا کہ فارم 45 کے مطابق ہم 50 ہزار کی لیڈ سے جیت چکے ہیں، آر او کی جانب سے جو فارم 47 تیار کیا گیا اس میں ہمیں 47 ہزار ووٹوں سے ہرایا گیا۔
