بوئنگ ملازمین نے تنخواہوں کے معاہدے کو مسترد کردیا اور ہڑتال بدستور جاری

بوئنگ کے ملازمین نے اسی دن ایک نئے اجرت معاہدے سے متعلق رائے شماری میں حصہ لیا ، جس میں  64 فیصد ملازمین نے اس کے خلاف ووٹ دیا۔ یوں چھ ہفتوں سے جاری ہڑتال بدستور جاری رہے گی۔ بتایا گیا ہے کہ ہڑتال سے مشکلات کا شکار طیارہ ساز ادارے بوئنگ  اور اس کے سپلائرز کے مالی معاملات متاثر ہو رہے ہیں۔ اسی دن بوئنگ کی سہ ماہی رپورٹ کے مطابق بوئنگ کو  6 ارب امریکی ڈالر سے زائد کا  خسارہ ہوا ہے۔