اسرائیلی فوج نے اعلان کیا کہ اس نے 19 تاریخ کی شام سے 20 کی صبح تک 60 سے زائد طیاروں کے استعمال سے ایران کے دارالحکومت تہران کے وسط میں تقریباً 120 فضائی حملے کیے۔ ان حملوں میں درجنوں اہداف کو نشانہ بنایا گیا، جن میں ایران کی میزائل پروڈکشن کے کئی فوجی اڈے اور جوہری ہتھیاروں کی ترقی کے ادارے شامل ہیں۔
20 تاریخ کو ایران کی جانب سے کہا گیا کہ علی الصبح ایران نے اسرائیل کے جنوبی شہر بیئر شیبا میں ایک ٹیکنالوجی پارک پر حملہ کیا۔ ایران کے نزدیک یہ اسرائیلی فوجی اور سائبر سیکیورٹی اداروں کا مرکز ہے، جسے اسرائیل کا "سائبر دارالحکومت” کہا جاتا ہے۔ ایک اسرائیلی افسر نے 20 تاریخ کو بتایا کہ ایران نے صبح سویرے اسرائیل کے جنوبی شہر بیئر شیبا کی جانب ایک بیلسٹک میزائل فائر کیا، جسے روکا نہیں جا سکا اور یہ چند عمارتوں کے باہر گرا، جس سے مالی نقصان ہوا اور 5 افراد کو معمولی چوٹیں آئیں۔
