چین کے عالمی ثقافتی ورثہ مقامات کی تعداد 60 تک پہنچ گئی

بیجنگ :پیرس، فرانس میں ہونے والے یونیسکو کے 47 ویں عالمی ثقافتی ورثہ کے اجلاس میں ایک قرارداد کے ذریعے چین کی جانب سے نامزد کردہ "شی شیا شاہی مقبرے” کو عالمی ثقافتی ورثے کی فہرست میں شامل کیا گیا۔ اس کے ساتھ ہی، چین کے عالمی ثقافتی ورثہ مقامات کی تعداد 60 تک پہنچ گئی۔”شی شیا شاہی مقبرے” چین کے شمال مغربی علاقے نینگ شیا ہوئی خود اختیار علاقے کے شہر  ینچوان شہر میں واقع 11ویں سے 13ویں صدی کے درمیان تانگ شیانگ قومیت کی  قائم کردہ شی شیا بادشاہت (1038–1227) کے شاہی مقبروں کے آثار کا مجموعہ ہے۔ یہ شی شیا شاہی دور  کے اب تک محفوظ شدہ سب سے بڑا، اعلیٰ ترین درجے کا اور جامع ترین آثار قدیمہ کا مقام ہے جو شاہراہ ریشم پر  شی شیا بادشاہت کی ایک اہم کڑی اور مرکزی حیثیت کا ثبوت فراہم کرتا ہے۔ان تاریخی آثار کا حقیقی اور مکمل طور پر محفوظ رہنا چینی تہذیب کی کثیرالثقافتی یکجہتی اور ایک متحد کثیرالقومی ریاست کے تشکیل پانے کے عمل کی اہم گواہی فراہم کرتا ہے۔ عالمی تہذیب کی تاریخ میں اس کا ایک اہم مقام ہے۔