لاہور سے کراچی آنے والی نجی پرواز سے پرندہ ٹکرا گیا، جہاز میں معروف اداکار قیصر نظامانی بھی سوار تھے۔
لاہور سے کراچی آنے والی پرواز سے اس وقت پرندہ ٹکرایا جب طیارہ ٹیک آف پوائنٹ پرانتہائی تیزرفتاری کے بعد زمین سے اٹھنے والا تھا۔
اس جہاز میں دیگر مسافروں کے ساتھ معروف اداکار قیصر خان نظامانی بھی سوار تھے جنہوں نے لاہور ایئرپورٹ سے ہی حادثے سے متعلق ویڈیو بنا کر سوشل میڈیا پر شیئر کی۔
اپنے ویڈیو بیان میں انہوں نے بتایا کہ میں خود بھی اس پروازمیں سوار تھا جو لاہورسے کراچی آرہی تھی، اس دوران انجن کی جانب سے ایک پرندہ طیارے سے ٹکرایا۔
قیصرخان نظامی کےمطابق اللہ نے حادثے سے محفوظ رکھا،کپتان نے حاضر دماغی کا مظاہرہ کیا جس کی وجہ سےطیارہ محفوظ رہا۔
اداکار قیصر خان نظامانی نے اپیل کی ہے کہ شہری ایئرپورٹ اوراطراف میں پرندوں کو دانے نہ ڈالیں اوراس بات کا بھی خیال رکھیں کہ ائیرپورٹ کے قرب وجوارمیں کچرا اورگوشت سمیت دیگرباقیات نہ پھینکیں۔
انہوں نے کہا کہ پرندے کھانے کی چیزوں پرلپکتے ہیں یہ طیاروں کے لیے بڑا نقصان ثابت ہوسکتا ہے۔
