کتاب”شی جن پھنگ کی قیادت میں غربت کے خلاف کامیابیاں” کی اشاعت کے حوالے سے تقریب کا انعقاد

بیجنگ : کتاب”شی جن پھنگ کی قیادت میں غربت کے خلاف کامیابیاں” کی اشاعت کے حوالے سے ایک تقریب بیجنگ میں منعقد ہوئی۔ اس موقع پر کمیونسٹ پارٹی آف چائنا کی مرکزی کمیٹی کے پولیٹیکل بیورو کے رکن اور مرکزی شعبۂ تشہیر کے سربراہ لی شو لے اور سی پی سی مرکزی کمیٹی پارٹی اسکول (نیشنل اکیڈمی آف گورننس) کے صدر چھن شی نے شرکت کی اور خطاب کیا۔ شرکاء کا کہنا تھا کہ نئے دور کے آغاز سے چین نے غربت جیسے عالمی مسئلے کا سامنا کرتے ہوئے کمیونسٹ پارٹی آف چائنا کی قیادت میں مطلق غربت کے خاتمے کا مشکل ہدف پورا کیا اور ایک ایسی کامیابی حاصل کی جسے عوام نے سراہا اور دنیا نے تسلیم کیا۔ انہوں نے کہا کہ اس کتاب میں شی جن پھنگ کی قیادت میں مرکزی قیادت کی جانب سے پورے ملک اور مختلف قومیتوں کے عوام کو متحد کر کے اہدافی غربت کے خاتمے کی جدوجہد کی مکمل تصویر پیش کی گئی ہے۔یہ کتاب نہ صرف غربت کے خاتمے کی تاریخی کامیابیوں کو اجاگر کرتی ہے بلکہ اس عمل کے دوران تشکیل پانے والی جدوجہد کی روح کو بھی مؤثر انداز میں بیان کرتی ہے۔