امور تائیوان ، چین کے بنیادی مفادات کا مرکز ہیں ، چینی وزارت خارجہ

بیجنگ :چینی وزارت خارجہ کے ترجمان لین جیئن نے یومیہ پریس کانفرنس میں چینی اور امریکی رہنماؤں کے درمیان اس ماہ ہونے والی ملاقات کے موقع پر امور تائیوان پر چین کی تشویش کے حوالے سے ایک سوال کے جواب میں کہا کہ تائیوان کے امور چین کے بنیادی مفادات کا مرکز ہیں اور چین امریکہ تعلقات کی سیاسی بنیاد ہیں ۔انہوں نے کہا کہ ایک چین کے اصول اور تین چین-امریکہ مشترکہ اعلامیوں کے ساتھ ساتھ تائیوان کے امور پر امریکی انتظامیہ کی جانب سے کئے گئے وعدوں پر عمل پیرا ہونا ایک بین الاقوامی ذمہ داری ہے جسے امریکہ کو پورا کرنا چاہئے اور یہ چین امریکہ تعلقات کی مستحکم، صحت مند اور پائیدار ترقی کے لئے ضروری شرط ہے۔ترجمان کا کہنا تھا کہ قومی وحدت اور علاقائی سالمیت کے تحفظ کے لیے چین کا عزم غیر متزلزل ہے۔ تائیوان کے علیحدگی پسندوں کی سرگرمیاں آبنائے تائیوان کے امن سے مطابقت نہیں رکھتیں۔ان کا کہنا تھا کہ آبنائے تائیوان میں امن اور استحکام کو برقرار رکھنے کے لیے “تائیوان کی علیحدگی” کی سوچ کی واضح مخالفت کی ضرورت ہے۔