جاپان کی دائیں بازو کی قوتوں کی آئین میں ترمیم عوامی خواہشات کے عین مطابق نہیں ، چینی وزارت خارجہ

بیجنگ : چینی وزارت خارجہ کے ترجمان لین جیئن نے یومیہ پریس کانفرنس میں جاپان میں قومی سطح پر ہونے والے مظاہروں میں آئین میں ترمیم کی مخالفت کے حوالے سے سوال کا جواب دیتے ہوئے کہا کہ عوام کی بڑی تعداد نے سانائے تاکائیچی حکومت کی آئینی ترمیم کی کوششوں کے خلاف آواز بلند کی ہے ۔اس سے ظاہر ہوتا ہے کہ جاپان کی دائیں بازو کی قوتوں کی آئین میں ترمیم کے معاملے کو آگے بڑھا کر "دوبارہ عسکریت پسندی” میں تیزی لانے کی کوشش کو عوامی مقبولیت حاصل نہیں ہے، اور اس نے جاپانی عوام سمیت دنیا بھر کے امن پسند لوگوں میں شدید تشویش اور مخالفت پیدا کی ہے ۔لین جیئن نے کہا کہ بین الاقوامی برادری کو جاپان کی دوبارہ عسکریت پسندی اور جارحیت پر مبنی تاریخ کی طرف واپس پلٹنے کی سخت مخالفت کرنی چاہیے ۔