Ayesha Omar reaction to the statement about allowing infidelity and illicit relations with his wife has come to light

پاکستانی اداکارہ عائشہ عمر نے سوشل میڈیا پر ان سے منسوب ایک جھوٹے بیان کی سختی سے تردید کرتے ہوئے واضح کیا ہے کہ وہ کبھی بھی بے وفائی یا شادی سے باہر تعلقات کی حمایت نہیں کرسکتیں۔

حال ہی میں سوشل میڈیا پر ایک من گھڑت بیان گردش کر رہا تھا جس میں دعویٰ کیا گیا کہ عائشہ عمر نے کہا ہے کہ ’’جن مردوں کو گھر میں سکون نہ ملے وہ گھر سے باہر تعلقات اختیار کریں۔‘‘

عائشہ عمر نے انسٹاگرام پر اس بیان کو مکمل طور پر جھوٹ قرار دیتے ہوئے کہا کہ یہ ان کی شخصیت، اقدار اور نظریات کے سراسر خلاف ہے۔ انہوں نے واضح کیا کہ دھوکا دہی اور غیر ازدواجی تعلقات کسی بھی صورت قابل قبول نہیں۔

اداکارہ نے عوام سے اپیل کی کہ جھوٹی خبروں کو پھیلانے سے پہلے حقائق کی تصدیق ضرور کریں۔