چین میں دسویں چین۔روس ایکسپو کا آغاز، 1500 سے زائد کمپنیوں کی شرکت

بیجنگ: دسویں چین۔روس ایکسپو کا افتتاح چین کے صوبہ ہیلونگ جیانگ کے شہر ہاربن میں ہوا۔ اس سال ایکسپو کا موضوع "اعتماد، تعاون اور مشترکہ کامیابی” ہے، جس میں چین اور روس کے درمیان تعاون کے اہم صنعتی شعبوں، معیاری مصنوعات اور جدید ٹیکنالوجی کے نتائج کو ہمہ جہتی انداز میں پیش کیا جا رہا ہے۔ نمائش کا کل رقبہ 55 ہزار مربع میٹر پر مشتمل ہے۔ ایکسپو کے دوران 500 سے زائد نئی مصنوعات پہلی مرتبہ متعارف کرائی جائیں گی، جبکہ 800 سے زیادہ نئے منصوبوں، تعاون اور ٹیکنالوجیز کی نمائش بھی کی جائے گی۔ اس کے ساتھ تقریباً 100 ضمنی سرگرمیوں اور فورمز کا انعقاد بھی ہوگا۔مجموعی طور پر 46 ممالک اور خطوں سے 1500 سے زائد چینی اور غیر ملکی ادارے اس نمائش میں شریک ہیں، جبکہ یہ سرگرمیاں 21 مئی تک جاری رہیں گی۔ چین۔روس ایکسپو دونوں ممالک کے درمیان اقتصادی اور تجارتی تعاون کے فروغ کے لیے اعلیٰ ترین اور سب سے بڑی جامع نمائش سمجھی جاتی ہے۔ 2014 میں پہلی نمائش کے انعقاد سے اب تک 7200 سے زائد چینی و روسی کمپنیوں اور تقریباً 10 لاکھ 50 ہزار تاجروں اور مندوبین نے اس میں شرکت کی ہے۔