امریکہ اور چین کے درمیان باہمی احترام اور رابطے انتہائی اہم ہیں، امریکی وزیر دفاع

بیجنگ : 23 واں شنگریلا ڈائیلاگ سنگاپور میں شروع ہوا جس میں 40 سے زائد ممالک اور خطوں کی 550 سے زائد سیاسی شخصیات، دفاعی حکام اور ماہرین نے شرکت کی۔ افتتاحی تقریب سے کلیدی خطاب کرتے ہوئے کمیونسٹ پارٹی آف ویتنام کے جنرل سیکرٹری اورویتنام کے صدر تولام نے کہا کہ دنیا کے متعدد خطوں میں تنازعات جاری ہیں اور جغرافیائی سیاسی کشیدگی بڑھ رہی ہے۔ اس تناظر میں تمام ممالک کو اسٹریٹجک باہمی اعتماد کو مضبوط بناتے ہوئے بات چیت اور مشاورت پرقائم رہنا چاہیئے اور کھلے اور جامع علاقائی تعاون کے فریم ورک کو برقرار رکھنا چاہیے تاکہ سلامتی اور ترقی کے مشترکہ چیلنجوں سے مل کر نمٹا جائے۔ 30 مئی کو شنگریلا ڈائیلاگ کے پہلے کل رکنی اجلاس میں، امریکی وزیر دفاع پیٹ ہیگستھ نے چائینیز اکیڈمی آف ملٹری سائنسز کے ایک ماہر کے سوال کے جواب میں کہا کہ امریکہ اور چین کے درمیان باہمی احترام اور رابطہ علاقائی ہی نہیں بلکہ عالمی امن کے لیے بھی انتہائی اہم ہے۔ ان کا کہنا تھا کہ”میں سمجھتا ہوں کہ امریکہ اور چین کے درمیان باہمی اعتماد حقیقی طور پر موجود ہے اور یہ نہ صرف اس خطے بلکہ عالمی امن کی تاریخ کے لیے بھی دور رس اثرات مرتب کرے گا۔”