چین کا امریکہ اور ایران کے درمیان مفاہمتی یادداشت کے متن پر اتفاقِ رائے کا خیرمقدم

بیجنگ :چین کی وزارتِ خارجہ کے ترجمان لین جیان نے معمول کی پریس بریفنگ میں امریکہ اور ایران کے درمیان ہونے والی پیش رفت پر تبصرہ کرتے ہوئے کہا کہ چین ، امریکہ اور ایران کے درمیان پہلے مرحلے کی مفاہمتی یادداشت کے متن پر اتفاقِ رائے کا خیرمقدم کرتا ہے اور اس سلسلے میں پاکستان کی ثالثی کی کوششوں کو سراہتا ہے۔ترجمان نے کہا کہ چین امید کرتا ہے کہ امریکہ اور ایران طے شدہ وقت کے مطابق پہلے مرحلے کی مفاہمتی یادداشت پر دستخط کریں گے۔انہوں نے کہا کہ تمام متعلقہ فریقوں کو امن کے راستے پر قائم رہنا چاہیے اور مسائل کے حل کے لیے مکالمے اور مذاکرات کو ترجیح دینی چاہیے۔ترجمان نے مزید کہا کہ چین بین الاقوامی برادری کے ساتھ مل کر مشرقِ وسطیٰ اور خلیجی خطے میں جلد از جلد امن، استحکام اور معمولاتِ زندگی کی بحالی کے لیے تعمیری اور مثبت کردار ادا کرتا رہے گا۔