چائنا کوسٹ گارڈ کا چین کے جزیرہ تائیوان کے مشرقی سمندری علاقے میں معمول کا گشت

بیجنگ :چائنا کوسٹ گارڈ کے ترجمان جیانگ لوئے نے کہا ہے کہ چائنا کوسٹ گارڈ نے قانون کے مطابق چین کے جزیرہ تائیوان کے مشرقی سمندری علاقے میں معمول کا گشت جاری رکھا۔تفصیلات کے مطابق جون سے چائنا کوسٹ گارڈ متعلقہ سمندری علاقوں میں مسلسل گشت، جانچ پڑتال، ماہی گیروں کے تحفظ اور امدادی کارروائیاں جاری رکھے ہوئے ہے، تاکہ معمول کی بحری آمدورفت اور ماہی گیری کی سرگرمیوں کو یقینی بنایا جا سکے، اور تائیوان کے ہم وطنوں سمیت چینی ماہی گیروں کے قانونی حقوق، مفادات اور جان و مال کے تحفظ کو یقینی بنایا جا سکے۔ترجمان نے کہا کہ چائنا کوسٹ گارڈ آئندہ بھی چین کے زیرِ انتظام سمندری علاقوں میں گشت کو مزید مضبوط بنائے گا اور قومی علاقائی خودمختاری اور سمندری حقوق و مفادات کے تحفظ کے لیے مؤثر اقدامات جاری رکھے گا۔