چین،دستاویزی فلم ” دیاویو جزائر: لہروں کے نیچے چھپی حقیقت” کی عالمی سطح پر ٹیلی کاسٹ

بیجنگ :چائنا میڈیا گروپ کے سی جی ٹی این کی تیار کردہ دستاویزی فلم ” دیاویو جزائر: لہروں کے نیچے چھپی حقیقت” 27 جولائی سے دنیا بھر میں نشر کی جا رہی ہے۔
یہ دستاویزی فلم چین اور جاپان کے درمیان دیاویو جزائر اور ان سے ملحقہ جزائر کی خودمختاری سے متعلق مختلف مؤقف اور تاریخی تنازع پر مرکوز ہے۔ فلم کی عکس بندی چین، جاپان، امریکہ اور برطانیہ میں کی گئی ہے، جبکہ اس میں سیاست، تاریخ اور بین الاقوامی قانون کے شعبوں سے تعلق رکھنے والے تیس سے زائد چینی اور غیر ملکی ماہرین و محققین کے انٹرویوز شامل کیے گئے ہیں۔
دستاویزی فلم میں ان اہم شخصیات سے بھی گفتگو کی گئی ہے جو اس تاریخی معاملے کے مختلف مراحل کی عینی شاہد رہی ہیں۔ فلم تاریخی شواہد اور قانونی دلائل کی بنیاد پر حقائق کو واضح کرنے کی کوشش کرتی ہے اور دستاویزی مناظر اور متنوع زاویۂ نظر کے ذریعے چین کے دیاویو جزائر کی ایک جامع، واضح اور حقیقی تصویر پیش کرتی ہے۔