رواں سال جنوری سے جولائی تک چین کی خدمات کی تجارت نے شاندار کارکردگی کا مظاہرہ کیا، جبکہ خدمات کی برآمدات بیرونی تجارت کی ترقی کا ایک اہم محرک بن گئی ہیں۔
جنوری سے جولائی تک چین کی خدمات کی درآمد و برآمد کا مجموعی حجم4446.71 ارب یوان رہا، جو گزشتہ سال کے اسی عرصے کے مقابلے میں 8.3 فیصد زیادہ ہے۔خدمات کی برآمدات میں مضبوط رفتار دیکھی گئی۔ اس عرصے کے دوران خدمات کی برآمدات کا مجموعی حجم 1773.23 ارب یوان رہا، جس میں 17.1 فیصد کا نمایاں اضافہ ہوا۔
دوسری جانب خدمات کی درآمدات میں بھی مستحکم ترقی کا رجحان برقرار رہا۔ خدمات کی درآمدات کا مجموعی حجم2673.48 ارب یوان رہا، جو گزشتہ سال کے اسی عرصے کے مقابلے میں 3.2 فیصد زیادہ ہے۔
خدمات کی تجارت کے خسارے میں بھی نمایاں کمی آئی۔ جنوری سے جولائی تک خدمات کی تجارت کا خسارہ900.25 ارب یوان رہا، جو گزشتہ سال کے اسی عرصے کے مقابلے میں 176.33 ارب یوان کم ہے۔خدمات کی برآمدات میں تیز رفتار اضافے اور درآمدات میں مستحکم بحالی سے پیدا ہونے والی صورتحال ظاہر کرتی ہے کہ چینی خدمات کی بین الاقوامی مسابقتی صلاحیت مسلسل بڑھ رہی ہے۔ اس کے ساتھ مجموعی بیرونی تجارت میں خدمات کی تجارت کا کردار بھی مزید بڑھنے کا امکان ہے۔
