بالی وڈ کے مسٹر پرفیکٹ عامر خان کی بیٹی ایرا کی شادی کی تقریبات کا آغاز ہوگیا۔ تقریب کی تصاویر اور ویڈیوز شوشل میڈیا پر وائرل ہوگئیں
عامر خان کی بیٹی ایرا خان نے اپنے سوشل میڈیا اکاؤنٹ انسٹاگرام پررسم ’کیلوان‘ کی چند تصاویر شئیر کی ہیں۔
تصاویر میں ایرا خان کو اپنے منگیتر نپور شیکھرے کے ہمراہ دیکھا جاسکتا ہے، رسم میں موجود خواتین نے شادی کے بندھن میں بندھنے والی دُلہن کو پھولوں کے زیورات پہنائے ہیں۔
تقریب میں دلہا نے پیلا رنگ کا جوڑا جب کہ دلہنیہ نے سرخ رنگ کی ساڑھی زیب تن کی ہے۔
ایرا خان نے تصاویر شئیر کرتے ہوئے اپنے منگیتر کے لیے لکھا کہ ’میں ان سے بے حد محبت کرتی ہوں‘۔
عامر خان نے گزشتہ ماہ بھارتی میڈیا کو ایک انٹرویومیں اانکشاف کیا تھا کہ وہ اپنی بیٹی کی شادی کو لے کر خاصا جذباتی ہیں۔
اداکار نے تاریخ کی تصدیق کرتے ہوئے کہا کہ ایرا 3 جنوری کو شادی کر رہی ہیں، انہوں نے بیٹی اورہونے والے داماد کیلئے نیک تمناؤں کا اظہار بھی کیا۔
بھارتی میڈیا کے مطابق دونوں کی منگنی گزشتہ سال مہوئی تھی، جبکہ آئندہ سال جنوری میں دونوں رشتہ ازدواج میں بندھیں گے۔
