اسلام آباد:امریکہ نے مسئلہ کشمیر کو عالمی مسلہ قرار دیتے ہوئے بھارت اور پاکستان کو آمادہ کر لیا کہ وہ دنیا میں امن کی عالمی کوششوں میں امریکہ سے تعاون کریں گے ۔
ان خیالات کا اظہار جموں کشمیر لبریشن فرنٹ کے سینئر رہنما سلیم بٹ نے اپنے ایک بیان میں کیا ۔
انہوں نے کہا جموں کشمیر میں بڑے پیمانے پر امریکی صدر ڈونلڈ ٹرمپ کے حالیہ اقدام پاک بھارت جنگ بندی مسئلہ کشمیر کے مسقل حل بھارت پاکستان اور کشمیریوں کو عالمی سطح پر امریکہ کی جانب سے کرائی گئی یقین دہانی جو دنیا کے امن کے لیے ایک تاریخی اقدام ہے جس پر جموں کشمیر میں امریکی صدر کے اعلان کا نہ صرف خیرمقدم کیا گیا بلکہ آزادی کی جدوجہد میں مصروف عمل کشمیری قوم کو ایک بڑا حوصلہ ملا۔
فرنٹ کے رہنما نے کہا اس بار اگر مسئلہ کشمیر حل نہیں ہوتا تو پھر دو ایٹمی ملکوں بھارت اور پاکستان کے مابین ایٹمی تصادم کے خطرے کو دنیا نہیں روک سکے گی جو ایک بڑی انسانی تباہی کا سبب بن سکتا ہے ۔
سلیم بٹ نے کہا دونوں ملکوں کی جنگ بندی اور سیز فائر کے بعد جموں کشمیر میں بھارتی سیکورٹی فورسزنے بڑے پیمانے پر ایک چھاپہ مار مہم شروع کر رکھی ہے اور نوجوانوں کو گرفتار کر کے تشدد کا نشانہ بنایا جا رہا ہے۔ انہوں نے عالمی برادری اور انسانی حقوق کی عالمی تنظیموں سے مطالبہ کیا کہ وہ کشمیر میں بھارتی مظالم کا نوٹس لیں۔
