چین، زنگ لی ون کی قیادت میں گو من دانگ پارٹی کے وفد کاشنگھائی کادورہ

بیجنگ :چین کی گو من دانگ پارٹی کی چیئرپرسن زنگ لی ون کی قیادت میں گو من دانگ پارٹی کے وفد نے شنگھائی کے متعدد مقامات کا دورہ کیا۔ جمعہ کے روز چینی میڈیا کے مطابق شنگھائی ایئرکرافٹ ڈیزائن اینڈ ریسرچ انسٹی ٹیوٹ میں وفد کو چین میں تیار کردہ کمرشل طیاروں کی ترقی کے سفر سے آگاہ کیا گیا، اور انہوں نے C909 ، C919 اور C929 طیاروں کے نمائشی نمونوں کا عملی تجربہ بھی کیا۔ زنگ لی ون اور ان کے وفد نے یانگ شان بندرگاہ کے چوتھے مرحلے کے خودکار ٹرمینل کے آپریشن کا مشاہدہ کیا، اور مین لینڈ کی صنعتی ٹیکنالوجی کی ترقی اور کم کاربن منتقلی کی کامیابیوں کو سراہا۔ شنگھائی کے دورے کے دوران انھوں نے ایک مطالعاتی کلب کی سرگرمیوں میں بھی حصہ لیا اور دونوں کناروں کے نوجوانوں کے ساتھ تبادلہ خیال کیا۔ زنگ لی ون نے کہا کہ مین لینڈ میں دوستانہ، متنوع اور بھرپور ماحول تائیوان کے ہم وطنوں کے لیے ترقی کا وسیع تر پلیٹ فارم فراہم کرتا ہے۔انہوں نے امید ظاہر کی کہ اس دورے کے ذریعے دو طرفہ تعلقات میں خیر سگالی کو فروغ ملے گا اور دونوں اطراف کے عوام کی فلاح و بہبود میں اضافہ ہوگا۔