عزت محنت کشوں کی ہے،چینی صدر

بیجنگ : چین کے صدر شی جن پھنگ نے مختلف مواقع پر محنت کی عظمت کو اجاگر کرتے ہوئے وسیع محنت کش طبقے کو تخلیقی کام کرنے اور جدوجہد کے جذبے کو فروغ دینے کی ترغیب دی ہے، تاکہ وہ محنت، دلیری ، دیانت داری اور جدت کے ذریعے اپنے خوابوں کو حقیقت میں بدل سکیں۔جمعہ کے روز انہوں نے کہا کہ "دنیا کی تمام خوشیاں محنت کے ذریعے ہی حاصل ہوتی ہیں”،”عوام ہی اصل ہیرو ہیں اور سوشلزم محنت سے ہی تشکیل پاتا ہے” اور "عزت محنت کشوں کے لیے ہے، خوشی بھی محنت کشوں کے لیے ہے”۔ان کے یہ پُرخلوص بیانات اور ہدایات پورے معاشرے میں محنت کی قدر، اس سے محبت اور اس کے احترام کے فروغ کا سبب ہیں ۔