ڈھاکا ٹیسٹ میں قانون کی خلاف ورزی، آئی سی سی نے پاکستان کو بڑی سزا سنادی

پاکستان کو بنگلادیش کے خلاف پہلے ٹیسٹ میں سلو اوور ریٹ پر بھاری جرمانے اور ورلڈ ٹیسٹ چیمپئن شپ پوائنٹس کی کٹوتی کا سامنا کرنا پڑ گیا۔

انٹرنیشنل کرکٹ کونسل (آئی سی سی) نے پاکستان پر میچ فیس کا 40 فیصد جرمانہ عائد کرنے کے ساتھ ساتھ ورلڈ ٹیسٹ چیمپئن شپ 2025-27 میں آٹھ پوائنٹس بھی کاٹ لیے۔

پاکستان ٹیم مقررہ ہدف سے آٹھ اوورز کم رہی، جس کے باعث یہ سزا سنائی گئی۔

پوائنٹس کی کٹوتی کے بعد پاکستان اب ورلڈ ٹیسٹ چیمپئن شپ اسٹینڈنگ میں مزید تنزلی سے صرف چار پوائنٹس کے ساتھ آٹھویں نمبر پر آ گیا ہے۔

پاکستان ٹیم کو یہ سزا آئی سی سی ایلیٹ پینل کے میچ ریفری جیف کرو نے سنائی۔

آئی سی سی قوانین کے مطابق ہر کم اوور پر پانچ فیصد میچ فیس جرمانہ اور ایک ورلڈ ٹیسٹ چیمپئن شپ پوائنٹ کی کٹوتی کی جاتی ہے۔

پاکستانی کپتان شان مسعود نے غلطی تسلیم کرتے ہوئے مجوزہ سزا قبول کر لی جس کے بعد باضابطہ سماعت کی ضرورت پیش نہیں آئی۔