مصر، قطر اور ترکیہ نے ایک مشترکہ بیان جاری کرتے ہوئے غزہ کی پٹی میں اسرائیل کی مسلسل خلاف ورزیوں کی سخت مذمت کی۔
تینوں ممالک نے زور دیا کہ اسرائیل بین الاقوامی قانون کے تحت اپنی تمام ذمہ داریوں پر عمل کرے اور جنگ بندی معاہدے کے تحت کیے گئے اپنے تمام وعدوں کو مکمل طور پر پورا کرے۔
مشترکہ بیان میں کہا گیا کہ غزہ میں اسرائیل کی مسلسل کارروائیاں جنگ بندی معاہدے کی خلاف ورزی ہیں، جن سے جنگ بندی کے دوسرے مرحلے پر عمل درآمد متاثر ہو رہا ہے اور کشیدگی میں کمی کی کوششوں کو بھی خطرہ لاحق ہو گیا ہے۔بیان میں عالمی برادری سے مطالبہ کیا گیا کہ شہریوں، طبی مراکز اور انسانی امداد سے وابستہ کارکنوں کو مکمل تحفظ فراہم کیا جائے، جبکہ غزہ کی پٹی میں انسانی امداد اور طبی سامان کی بلا رکاوٹ فراہمی کو بھی یقینی بنایا جائے۔
